Almal op fietse is vanjaar se Bosfietsberaad-tema

Die jaarlikse Bosfietsberaad op Stellenbosch – vanjaar van 1 tot 3 Desember – is die plek waar fietsryers kan bymekaar kom en saampraat oor fietsry, saam kan beplan oor fietsry en ook saam projekte kan begin om fietsry te bevorder.

Dis ook die plek waar fietsryers na nuwe planne en gedagtes in ons omgewing en oor die wêreld kan luister.  Bergfietsryers, padfietsryers, en veral ook gewone pendelfietsryers en ontpanningsfietryers.

Ons tema vanjaar is:  Almal op Fietse! 

Ons het  tot die slotsom gekom dat na alles wat ons beplan en bespreek, is al manier om fietsry te bevorder, beter geriewe vir fietsryers te skep en om motorryers en besluitnemers meer te laat kennis neem van fietse. is om meer fietse op ons paaie te hê.

Dan sal ons die veilige fietsbane en fietsaaie kry wat ons soek, die verkeersgekalmeerde middedorp en woongebiede kry warna ons na strewe, en die gelyke geleenthede met voetgangers en motors kry wat ons NMT-beleid voorskryf.

En dan sal ons ook geld kry om ons omvattende Fietsplan uit te voer. Dan word ons werklik die Fietshoofstad van die land – 200 jaar na die onststaan van die fiets in 2017.

Leave a Reply

Your email address will not be published. Required fields are marked *